Estándares
Subscribase ao boletín de novas do Concello de Parada de Sil.
Mantéñase puntualmente informado.
O anunciado Plan de Saneamento en Parada de Sil por un importe de máis de 700.000 euros que comprende actuacións en diferentes pobos do concello vén de pórse en marcha.
A semana pasada xa comezaron as obras para levar a traída de auga de Verengo ao depósito de Vilar, onde ademais e acometerá a cloración da auga. Tamén en Edrada xa están a construír o novo depósito de auga, que resolverá un problema importante de escaseza de auga neste pobo.
Dende o concello esperamos que antes do verán estea rematada a obra no que se refire ao abastecemento nas parroquias de Paradellas, Edrada e Forcas para logo continuar coa recollida de augas pluviais e desauges en Teimende, Caxide, Rabacallos, Sacardebois, Parada de Sil e Porto.
Compre salientar que tamén se acometerá a reposición do asfaltado nalgúns pobos, así como a construción de beirarrúas .
O Alcalde recorda que esta obra corre a cargo de Augas de Galicia- Consellería de Medio Ambiente e Desenvolvemwente Sostible e que responde a un compromiso adquirido polo Conselleiro Pachi Vázquez nunha visita realizada ao noso Concello. Recordamos que nesta obra o Concello non paga nin un só euro.
